Agenda

90 vloaz zo, d'ar 25 a viz Even 1931, e oa bet ganet Emil ar Skañv e Mêl-Karaez.
E oa o vont da vout Glenmor, an dihuner koustiañs.
Breizh na vije ket ar pezh eo hiziv heptañ.
25 bloaz zo, d'an 18 a viz Even 1996, ez eas d'an Anaon.

Un darvoud zo aozet evit enoriñ anezhañ.

E-kerzh an nozvezh e vo skignet an teulfilm « Glenmor l'éveilleur » sevenet gant Philippe Gwilhouz e 2011, hag a-raok e vo ur sonadeg gant
- Léa Laurence Meillarec, zo bet o seniñ gant ar barzh e-pad ouzhpenn dek vloaz, a gano Glenmor
- Louis Bertholom a zibuno lavarioù berr hag un nebeud testennoù skrivet gant Milig.

Da c'houde ar film a lakao ac'hanoc'h d'ober anaoudegezh gant buhez Emil ar Skañv, adalek testenioù.
"Glenmor l'éveilleur" ur film sevenet gant Philippe Gwilhouz (2011)
Glen, an douar, hag ar mor. Daou c'her evel arouezioù Breizh. Daou c'her unanet e-barzh anv-arzour an hini en do lakaet en-dro ar Vretoned da vout fier eus ar pezh int hag eus o identelezh. Ur c'haner emouestlet e oa, a-enep d'ar c'hreizennañ jakobin, stourmer bras evit e vro. Met da gentañ-penn e oa ur barzh - evel-se en em brezante hepken - skrivagner ha kaner testennoù kizidik ha barzhoniel. Ur poltred brokus, gwir ha fidel, hep kuzhat traoù, evel e oa an den.

Meur a framm zo en em vodet evit kinnig ar mare enoriñ-mañ :
- an embregerezh Carrément à l’Ouest,
- Kêr Gemperle,
- Kêr Vêl-Karaez,
- ar gevredigezh Daoulagad Breizh,
- gant sikour Rannvro Breizh.