Agenda

Filmoù chakod zo ur gentrivadeg filmoù berr, dindan 3 munut, e brezhoneg hag istitlet e galleg, savet gant ur pellgomzer pe ur benveg-foto bihan.
Tem ar bloaz-mañ zo « Treuzkas ».
An abadenn vras Chakod deiz ha noz a vez lakaet e-plas evit ar wech kentañ e Kreiz-Breizh, e Karaez. E-pad an deiz e vo degemeret skolajoù ha liseoù ar vro. Diouzh noz, da 7e, e vo roet plas d’un abadenn digor d’an holl. Un eurvezh skignadenn, vot gant ar publik, boued ha sonerezh, ha disoc’hoù ar genstrivadeg !
Ur seurt gouel Cannes e brezhoneg, gant un tapis ruz ha fent evel-just ! Deuit gwisket chik ha cheuc’h !
Kevelerezh gant ar gevredigezh Contrechamp ha Daoulagad Breizh.