Agenda

Ar gengevredigezh evit ar brezhoneg e Kreiz-Breizh Raok hag ar greizenn-stummañ Roudour a ginnig deoc'h kemer perzh e kentel a-stroll brezhoneg brasañ "ar bed" !

Diazezet war an Hentenn TPR (Réponse Physique Totale), 2 stummer eus ar scop Roudour a ginnigo deoc'h deskiñ dindan un nebeud munut 50 ger diazez e brezhoneg a-drugarez d'an hentenn-mañ hag a adkemer teknikoù deskiñ ar yezh gant ar vugale.

Dindan stumm ur c'hoari e tremeno an abadenn-mañ. An holl dud na ouzont ket ar yezh c'hoazh a c'hell kemer perzh. Er fin e vo diskouezet un daolenn e-kichen al leurenn gant an holl c'herioù bet desket e-pad an abadenn.

Emgav war ar blasenn dirak Leti al Lenn (9 straed ar Jeneral De Gaulle) !