Staj war ar brezhoneg dre soubidigezh e Bro Pourlet (KLOK)
Ur staj Bod ha Boued, digor d’an holl, e Pleurdud. Aozet gant Skol an Emsav.
-
July 2020
- Monday 27 9h00 - 23h59
- Tuesday 28 0h00 - 23h59
- Wednesday 29 0h00 - 23h59
- Thursday 30 0h00 - 23h59
- Friday 31 0h00 - 17h00
Evel bep bloaz, abaoe 2011, e vo ar staj e brezhoneg penn da benn, digor d’an holl re a faot dezhe mont war-raok gant ar yezh, gwelet poentoù yezh nevez, geriaoueg…ha dreist-holl kaozeal, ober traoù e brezhoneg ha kaout plijadur !
Brezhoneg, brezhoneg !
Ar c’hentelioù, ar pourmenadennoù, ar gweladennoù, ar predoù, ar filajoù, pep prantad a vo e brezhoneg hag e brezhoneg nemetken !
Un en-dro a-feson evit labourat war ar c’hompren hag evit komz !
Gellout eskemm, labourat war al liveoù yezh, kaout plijadur dre ar brezhoneg (e-pad ar c’hentelioù, ar mareoù evit lakaat ar poentoù studiet e pleustr, ar gweladennoù…) a vo war roll-labour ho sizhunvezh staj.
Ur staj a-feson evit ar re o deus bet ar yalc’had « Skoazell » !